سەرەکی‎ > ‎

كاروچالاکیەکان


یه‌كه‌مین كۆنفڕانسی نێوده‌وڵه‌تى ئه‌ندازیاری و كۆمپیوتینگ به‌رده‌وامه‌

posted Aug 23, 2017, 1:52 AM by media tci


ئه‌مڕۆ چوار شه‌ممه‌ دووه‌م ڕۆژی یه‌كه‌مین كۆنفڕانسی نێوده‌وڵه‌تى ئه‌ندازیاری و كۆمپیوتینگ به‌رده‌وامى هه‌یه.

له‌دووه‌مین ڕۆژی یه‌كه‌مین كۆنفڕانسی نێوده‌وڵه‌تى ئه‌ندازیاری و كۆمپیوتینگدا 42 توێژینه‌وه‌ى زانستى جیاواز له‌بواره‌كانى ئه‌ندازیار و ته‌كنه‌لۆژیای زانیاری وكۆمپیوتینگدا پێشكه‌شده‌كرێن.

هاوكات دوێنێ سێ شه‌ممه‌ له‌یه‌كه‌مین ڕۆژدا 15 توێژینه‌وه‌ پێشكه‌شكران و حه‌وت توێژینه‌وه‌ى دیكه‌ له‌شێوه‌ی پۆسته‌ر نمایشكران.

دوێنێ له‌به‌رواری 22-8-2017دا یه‌كه‌مین كۆنفڕانسی نێوده‌وڵه‌تى ئه‌ندازیاری و كۆمپیوتینگ به‌سه‌رپه‌رشتى كۆلێژی ئینفۆڕماتیك له‌زانكۆی پۆلیته‌كنیكی سلێمانى و زانكۆی جیهان به‌ئاماده‌بوونی د.ئالان فه‌ره‌یدون سه‌رۆكی زانكۆی پۆلیته‌كنیكی سلێمانى و د.سۆران سه‌عید ڕاگری كۆلێژی ئینفۆڕماتیك و یاریده‌ده‌ری سه‌رۆكی زانكۆ بۆ كاروباری زانستى و د.دانا یاریده‌ده‌ری سه‌رۆكی زانكۆی پۆلیته‌كنیكی سلێمانى بۆ كاروباری كارگێڕی و د.ئارام سه‌رۆكی زانكۆی جیهان و ژماره‌یه‌ك له‌مامۆستایان و توێژه‌رانی نێوخۆیی و جیهانى ده‌ستی به‌كاره‌كانى كرد.

له‌سه‌ره‌تای یه‌كه‌م ڕۆژی كۆنفڕانسه‌كه‌دا ئاماده‌بووان ساتێك بۆ گیانى پاكی شه‌هیدان و پێشمه‌رگه‌ قاره‌مانه‌كانى كوردستان ڕاوه‌ستان، پاشان د.ئالان فه‌ره‌یدوون سه‌رۆكی زانكۆی پۆلیته‌كنیكی سلێمانى وتارێكی پێشكه‌شكرد، كه‌ تێیدا باسی له‌وه‌كرد، كارده‌كه‌ن بۆ بره‌ودان به‌ خوێندنی پیشه‌یی و له‌و پێناوه‌شدا به‌هاوكاری وه‌زاره‌تى خوێندنی بالأ كاریان بۆكردووه‌ و به‌رده‌وامیشده‌بن له‌كاركردن بۆی.

ناوبراو سوپاسی له‌ئاماده‌كارانى ئه‌م كۆنفڕانسه‌ و وه‌زاره‌تى خوێندنى باڵای حكومه‌تى هه‌رێم كرد و هه‌وڵ و ماندوبونیانى به‌ بایه‌خ وه‌سفكرد.

پاش ئه‌وه‌ د.ئارام سه‌رۆكی جیهان وتارێكی پێشكه‌شكرد و سازدانى ئه‌م جۆره‌ كۆنفڕانسانى به‌ گرنگزانی و ئومێده‌واربوو سازدانى ئه‌م كۆنفڕانسانه‌ به‌رده‌وامى هه‌بێت.

دواتر د.سۆران سه‌عید ڕاگری كۆلێژی ئینفۆڕماتیك و یاریده‌ده‌ری سه‌رۆكی زانكۆ بۆ كاروباری زانستى وتارێكی پێشكه‌شكرد، كه‌ تێیدا ورده‌كاری به‌ڕێوه‌چوونی كۆنفڕانسه‌كه‌ و ئامانجه‌ سه‌ره‌كییه‌كانى سازدانی كۆنفڕانسه‌كه‌ی باسكرد، هاوكات به‌گرنگه‌وه‌ له‌ئاماده‌بوونی توێژه‌ره‌رانى نێوخۆیی و جیهانى ڕوانى.

لەبارەی ئامانجی بەڕێوەچوونی ئەم كۆنفڕانسە، ناوبراو باسی لەوەكرد، گواستنەوەی زانست و زانیاری لەنێوان توێژەرانی ناوخۆ و بیانی، دروستكردنی پەیوەندی لەنێوان توێژەراندا، ئاشنابوون بە نویترین ئاستی زانست و تەكنەلۆژیا.

ڕوونیشیكردەوە، ئەنجامدانی ئەم جۆرە كۆنفڕانسە نێودەوڵەتییانە گرنگی خۆی هەیە و سودی زۆری بۆ هەرێمی كوردستان هەیە، چونكە زۆر توێژینەوەی لەبارەی ئەندازیاری و كۆمپیتەری تێدا بەشداریكردووە.

دواتر پرۆفیسۆر د. ناومی سه‌لیم ناسراو به‌ دایكی زانست و به‌ڕێوه‌به‌ری گشتی كۆنفرانسه‌كه‌ ووتارێكی پێشكه‌شی ئاماده‌بووان كرد تێیدا ئاماژه‌یبه‌وه‌دا، یەكێك لەئامنجەكانی سازدانی ئەم كۆنفڕانسە كۆكردنەوەی توێژەرەكانە و لەڕێگەیەوە تەكنەلۆژیاو توێژینەوەكانیان بەرەوپێشتر بەرن.

وتیشی:"زانیاری زۆر گرنگ لەم كۆنفڕانسەدا بەبەشداربووان دەدەین، لەبوارەكانی تەكنەلۆجیای زانیاری و كۆمپیوتەر و ئەندازیاری، كە ڕۆڵی گرنگ دەبینێت لەپێشخستنی تەكنەلۆژیادا".

ئاماژەی بەوەشدا، كاتێك گەڕایەوە بۆ وڵاتەكەی خۆی بەهەموان دەڵێت كە كوردستان شارێكی ئارام و پارێزراوە و دوورە لەهەر توندوتیژییەك، هاوكات توانای زۆرباشیان لەپێشكەوتن لەبواری تەكنەلۆژیادا هەیە.

   زانكۆی پۆلیته‌كنیكی سلێمانى له‌ماوه‌ى ئه‌م ساڵدا سێ كۆنفڕانسی دیكه‌ى له‌بواره‌كانى ئابووری و ڕاگه‌یاندن و ته‌ندروستى سازداوه‌.

ئاماده‌كردن: نزار جه‌زا








64 توێژینه‌وه‌ پێشكه‌شده‌كرێن

posted Aug 23, 2017, 12:49 AM by media tci   [ updated Aug 23, 2017, 2:33 AM ]

لەمیانی یەكەمین كۆنفڕانسی نێودەوڵەتی ئەندازیاری و كۆمپیوتینگدا 64 توێژینەوەی زانستی پێشكەش دەكرێن.

بەپێی كارنامەی یەكەمین كۆنفڕانسی نێودەوڵەتی ئەندازیاری و كۆمپیوتینگ، لەماوەی سێ ڕۆژی كۆنفڕانسەكەدا 64 توێژینەوەی زانستی لەبوارەكانی ئەندازیاری و تەكنەلۆژیای زانیاری كۆمپیوتینگ نمایشدەكرێن.

هەر بەپێی كارنامەكە لەیەكەمین ڕۆژدا 15 توێژینەوە پێشكەش دەكرێن، هاوكات حەوت توێژینەوەی دیكە لەشێوەی پۆستەر نمایشكران.


لەكارنامەكەدا هاتووە، لە دووەمین ڕۆژی كۆنفڕانسەكەدا 42 توێژینەوە نمایشدەكرێن، هاوكات لەسێیەمین ڕۆژدا حەوت توێژینەوەی دیكە نمایشدەكرێن.

پێشنیوەڕۆی ئەمڕۆ یەكەمین كۆنفڕانسی نێودەوڵەتی ئەندازیاری و كۆمپیوتینگ بەبەشداری توێژەران و مامۆستایان و كەسانی پسپۆڕ دەستیبەكارەكانی كرد، كە تێیدا توێژەران لە 19 وڵاتی جیاوازی جیهانەوە بەشدارییانكردووە.

ئەم كۆنفڕانسە ماوەی سێ ڕۆژ دەخایەنێت، كە ئامانج لێی گواستنەوەی زانست و زانیارییە لەنێوان توێژەرانی ناوخۆ و بیانی، هاوكات 

روستكردنی پەیوەندی لەنێوان توێژەراندا، هەروەها ئاشنابوون بە نویترین ئاستی زانست و تەكنەلۆژیا.

ئاماده‌كردن: نزار جه‌زا







پڕۆفیسۆرێكی زانكۆی مالیزیا: كوردستان توانای پێشكەوتنی هەیە

posted Aug 22, 2017, 4:47 AM by media tci   [ updated Aug 23, 2017, 2:34 AM ]


پڕۆفیسۆرێكی زانكۆی تەكنەلۆجی مالیزیا ڕایدەگەیەنێت، هەرێمی كوردستان لەبواری تەكنەلۆژیادا توانای زۆرباشی هەیە بۆئەوەی پێشبكەوێت.

پڕۆفیسۆر دكتۆر ناومی سەلیم، مامۆستا لەزانكۆی تەكنەلۆجی مالیزیا لەمیانی بەڕێوەچوونی یەكەمین كۆنفڕانسی نێودەوڵەتی ئەندازیاری و كۆمپیوتینگ، لەوتارێكیدا ڕایگەیاند، یەكێك لەئامنجەكانی سازدانی ئەم كۆنفڕانسە كۆكردنەوەی توێژەرەكانە و لەڕێگەیەوە تەكنەلۆژیاو توێژینەوەكانیان بەرەوپێشتر بەرن.

وتیشی:"زانیاری زۆر گرنگ لەم كۆنفڕانسەدا بەبەشداربووان دەدەین، لەبوارەكانی تەكنەلۆجیای زانیاری و كۆمپیوتەر و ئەندازیاری، كە ڕۆڵی گرنگ دەبینێت لەپێشخستنی تەكنەلۆژیادا".

باسیلەوەشكرد، لەڕێگەی ئەم كۆنفڕانسانەوە تەكنەلۆژیای زانیاری لەوڵاتیكەوە بۆ وڵاتێكی دیكە دەگوازرێتەوە، ئەویش لەپێناو كۆمەڵگەی نێودەوڵەتیدایە.

ئاماژەی بەوەشدا، كاتێك گەڕایەوە بۆ وڵاتەكەی خۆی بەهەموان دەڵێت كە كوردستان شارێكی ئارام و پارێزراوە و دوورە لەهەر توندوتیژییەك، هاوكات توانای زۆرباشیان لەپێشكەوتن لەبواری تەكنەلۆژیادا هەیە.


ئاماده‌كردن: نزار جه‌زا


یەكەمین كۆنفڕانسی نێودەوڵەتی ئەندازیاری و كۆمپیوتینگ بەڕێوەدەچێت

posted Aug 22, 2017, 3:20 AM by media tci   [ updated Aug 23, 2017, 2:35 AM ]

ئەمڕۆ سێ شەممە یەكەمین كۆنفڕانسی نێودەوڵەتی ئەندازیاری و كۆمپیوتینگ لەشاری سلێمانی بەڕێوەدەچێت.

یەكەمین كۆنفڕانسی نێودەوڵەتی ئەندازیاری و كۆمپیوتینگ لەشاری سلێمانی بەسەرپەرشتی كۆلێژی ئینفۆڕماتیك لەزانكۆی پۆلیتەكنیكی سلێمانی و زانكۆی جیهان بۆ ماوەی سێ ڕۆژ بەبەشداری كۆمەڵێك مامۆستا و كەسانی پسپۆڕ لە19 وڵاتی جیهانەوە بەڕێوەدەچێت.

د.سۆران سەعید، سەرۆكی یەكەمین كۆنفڕانسی نێودەوڵەتی ئەندازیاری و كۆمپیوتینگ و ڕاگری كۆلێژی ئینفۆڕماتیك ڕایگەیاند، لە یەكەمین كۆنفڕانسی نێودەوڵەتی ئەندازیاری و كۆمپیوتینگدا توێژەر و مامۆستایانی پسپۆڕ لە 19 وڵاتی جیهانەوە بەشداری ئەم كۆنفڕانسەیان كردووە.

ئاماژەی بەوەشدا، 120 توێژینەوە بۆ كۆنفڕانسەكە هاتووە، بەڵام 64 توێژینەوە وەرگیراوە و نمایشدەكرێت.

لەبارەی ئامانجی بەڕێوەچوونی ئەم كۆنفڕانسە، ناوبراو باسی لەوەكرد، گواستنەوەی زانست و زانیاری لەنێوان توێژەرانی ناوخۆ و بیانی، دروستكردنی پەیوەندی لەنێوان توێژەراندا، ئاشنابوون بە نویترین ئاستی زانست و تەكنەلۆژیا، دۆزینەوەی سوپەر.

ڕوونیشیكردەوە، ئەنجامدانی ئەم جۆرە كۆنفڕانسە نێودەوڵەتییانە گرنگی خۆی هەیە و سودی زۆری بۆ هەرێمی كوردستان هەیە، چونكە زۆر توێژینەوەی لەبارەی ئەندازیاری و كۆمپیتەری تێدا بەشداریكردووە.


ئاماده‌كردن: نزار جه‌زا



Holding Workshop"An Academic Impact on University Ranking"

posted May 7, 2017, 2:57 PM by Jamal Kakbra   [ updated Jun 6, 2017, 2:57 AM by media tci ]

We proudly announce TCI Workshop on( An Academic Impact on University Ranking),  on (10/5/2017- Wednesday )


سیمپۆزیۆمێك به‌ناونیشانی Data Communication& Information Security ئه‌نجامده‌درێت

posted May 7, 2017, 2:50 PM by Jamal Kakbra   [ updated May 7, 2017, 2:50 PM by media tci ]


زانكۆی پۆلیته‌كنیكی سلێمانی / كۆلێجی ته‌كنیكی ئینفۆرماتیك هه‌ڵده‌ستێت به‌ ئه‌نجامدانی سیمپۆزیۆمێك به‌ ناونیشانی

Data Communication& Information Security
ڕۆژی : سێ شه‌ممه‌ 2017/5/9
شوێن : كۆلیجی ته‌كنیكی كارگێڕی/ ئینفۆرماتیك/گه‌ڕه‌كی چوار چرا
كاتژمێر: 10 ی سه‌رله‌به‌یانی
هاتن بۆ هه‌موانه‌






1-6 of 6