سلایدهەواڵ و چالاکی

کۆلێجى تەکنیکى ئینفۆرماتیک ئاهەنگى یەکترناسینیان بۆ خوێندکارانى قۆناغى یەکەمى کۆلێجەکەیان ئەنجامدا

رۆژى سێشەممە بەروارى (٢٠١٩/٢/٥) کۆلێجى تەکنیکى ئینفۆرماتیک ئاهەنگى یەکترناسینى بۆ خوێندکارانى هەرسێ بەشى ( تەکنەلۆجیاى زانیارى  , تەکنەلۆجیاى داتابەیس  , تۆرەکانى کۆمپیوتەر )  ئەنجامدا .

بەهۆى هاتنە پێشەوەى حاڵەتێکى نەخوازراوى  تەندروستى بۆ بەرێز پرۆفیسۆر(د.سۆران ابوبکر محمد )  راگرى کۆلێج ئامادەنەبوونى لە ئاهەنگە بۆ ئەم مەبەستەش بەشێک لەستافى کۆلێج بەنوێنەرایەتى بەرێزیان لە ئاهەنگەکە بەشداربوون کە پێکهاتبوون لە بەرێزان (م.رێبوار بەختیار ابراهیم ) یاریدەدەرى ڕاگر و (م.کنار روشن طارق )سەرۆک بەشى( تەکنەلۆجیاى زانیارى ) (م.تحسین على محمد ) سەرۆک بەشى   ( تەکنەلۆجیاى داتابەیس ) (م.ئەسکەندەر حمید امین )سەرۆک بەشى  تۆرەکانى کۆمپیوتەر ) .

سەرتاى ئاهەنگەکە بە ساتێک وەستان بۆ گیانى پاکى شەهیدان دەستى پێکرد  پاشان  بە گوڵ چەپڵە  پێشوازى لە هاتنە ژوورەوەى خوێندکارانى قۆناغى یەکەمى هەرسێ  بەشەکە کرا . دواتر   پەیامى راگرایەتى بە خوێندکاران ڕاگەیاندرا کە تیایدا  وێڕاى بەخێرهاتنى خوێندکاران جوانترین پیرۆزباى ئاراستەى خوێندکارانى قۆناغى یەکەمى  کۆلێجى تەکنیکى ئینفۆرماتیک  کرد بۆ دەست پێکێکى نوێ لە  قۆناغێکى ترى  خوێندنیان , هەر لە پەیامەکەدا تەئکیدى کردەوە دەرگاى ڕاگرایەتى و بەشەکان بەردەوام کراوەیە بۆ خزمەت کردن بە خوێندکاران بۆیە هەرچى لە تواناى راگرایەتى و بەشەکان و ستافى زانستى و کارگێرى کۆلێجەکەدابێت دەیکەن و درێغى ناکەن بۆ خزمەت کردن بە  خوێندکارانى کۆلێجەکەمان ,دووبارە جوانترین پیرۆزباى ئاراستەى تەواوى خوێندکاران کرد هیواى چوارساڵى پڕ لە زانست و چالاکى و پێشکەوتنى  بۆ تەواوى خوێندکاران خواست .

لەبەشێکى تردا وتەى نوێنەرى گشتى خوێندکاران خوێندرایەوە پیرۆزباى نوێنەرایەتى خوێندکارانى کۆلجەکەى ئاراستەى خوێندکارانى قۆناغى یەکەم کرد و بەو بۆنەشەوە خەڵاتى ڕێزلێنانیان بە  چوار خوێندکارى چالاک و نمونەى کۆلێجەکە بەخشی.

لە درێژەى ئاهەنگەکەدا  چەندپارچە شیعرێک خوێندرایەوە , پاشان بە گۆرانى دەست بە ئاهەنگەکەکرا خوێندکاران بە کەیف و

خۆشى ئاهەنگە کەیان بەسەر  برد .

راگەیاندنى کۆلێج

         

 

 

 

بابەتی پەیوەندیدار

Back to top button
Close