سلایدهەواڵ و چالاکی

به‌شداری نوێنه‌ری زانكۆی پۆلیته‌كنیكی سلێمانی له‌ وۆركشۆپی جێبه‌جێكردنی سیسته‌می بۆڵۆنیا

به‌به‌شداری نوێنه‌ری زانكۆی پۆلیته‌كنیكی سلێمانی كه‌پێك هاتبوون له‌ به‌ڕێزان مامۆستا (هێمن محی الدین كریم )بەڕێوەبەری بەڕێوەبەرایەتی زانستی و خوێندنی باڵا و مامۆستا (ئەسكەندەر حمید امین) سەرۆك بەشی تۆڕەكانی كۆمپیوتەر لە كۆلێژی تەكنیكی ئینفۆرماتیك بەشداربوون لە ۆركشۆپی جێبەجێكردنی سیستەمی بۆڵۆنیا لە زانكۆی ڕاپەرین.

هاوكات دوو نوێنەر لەسەر ئاستی هەموو زانكۆ حكومییەكان بانگهێشت كرابوون لەلایەن زانكۆی ڕاپەڕینەوە.
وۆركشۆپەكە خۆی دەبینییەوە لە سێ ئاستی سەرەكیدا، كە ئەوانیش
١- چۆنییەتی دیاریكردنی بابەتەكانی فێربوون بۆ خوێندكار لەسەر زانینی پێداویستی كۆمەڵگە.
٢- هەڵسەنگاندنی خوێندكار بۆ بابەتەكانی فێربوون و دووركەوتنەوە لە ڕێگە باوەكانی پێشوو.
٣- چۆنییەتی هەژماركردنی كریدیت لە زانكۆكان.

ئەمانەش كۆمەڵێك هەنگاوی گرنگ دێنێتە پێش كە پرۆسەی خوێندنی باڵا لە هەرێمی كوردستان هاوتا دەكاتەوە لەگەڵ هەمان پرۆسە لە زانكۆ پێشەنگەكانی ئەوروپا و ڕێگەی خوێندنی باڵا لە چەند زانكۆیەكی جیاواز بۆ هەمان پرۆگرام وە بۆ هەمان خوێندكار فەراهەم دێنێت.
كە مەبەست لێی بە بەجیهانیبوونی زانكۆكان و گەڕانی خوێندكارە لەنیوان چەند زانكۆیەكی جیاواز بۆ بەدەست هێنانی بڕوانامەیەكی دیاریكراو.

ماوەی وۆركشۆپەكە لە سێ ڕۆژدا ئەنجامدرا لە (١١ بۆ ١٣ / ١٢/ ٢٠١٨ )لەژێر ناونیشانی پڕۆژەی تایگریس كە یوروپییان یونیەن پاڵپشتی داراییەكەیەتی و بەشێكی دیكەی لە وڵاتی ئەڵمانیا دەبێت.
وۆركشۆپەكە لەلایەن دوو كەسی شارەزاوە پێشكەشكران كە ئەوانیش
Dr. Carlos Machado, Educational Adviser at Georg-August Göttingen Universität, and Dr. Marian McCarthy, Interim Vice President for Teaching and Learning at University College Cork

 

بابەتی پەیوەندیدار

Back to top button
Close